Haurren burmuina
hazi eta garatu egiten da zentzumenen bidez behatzen duen neurrian.
Txiki-txikitatik gauzak nolakoak diren, zer egin daiteken haiekin, zein den
haien portaera… jakiteko interesa erakusten dute.
Esperimentazio
jolasaren bidez haurrek:
-
Objektuen ezaugarrien
inguruko informazioa bereganatzen dute. Hurbilketa sentsorial eta
pertzeptiboaren bidez, erregulartasunetaz ohartzen dira, teoriak eraikitzen
dituzte… Beraz, esplorazio libreko jolasetan IKASI egiten dute.
-
Bere ikasketaren arduraduna
da. Libreki miatu, esploratu, manipulatu, eta bere buruari galderak egitearekin
batera, autonomia eskuratzen dute.
-
Norberaren interesak eta
jakinminak bultzatutako jarduera izanda, kontzentrazio, behaketa eta arreta
gaitasuna hobetzen dira.
-
Ingurua ezagutzeko egoera
pribilegiatua da eta pixkanaka behaketarako tresnak bereganatu eta hobetzen
dituzte.
Guzti honengatik,
eskolak ikasketa gauzatzen duten jolas-behaketa sortarazten dituzten egoerak
eskaini behar ditu, eta horretarako behar diren material anitzak haurren
eskuetan jarri.
Andereño-maisuek talde
txikian aritzeko egoerak sustatu behar dituzte. Hauetan errezago adierazten baitira
interes eta lehentasunak.
Horrez gain, umeek
aurrerapenak egin ahal izateko behar beste denbora izan behar dute, material
anitzak, zentzumenetarako aberatsak, interesgarriak, haien artean konbinatzeko
gai eta espazioak ekintzaren arabera antolatuta eta irakaslea bidean suertatu
daitezken arazoei aurre egiten laguntzeko prest egon behar da.
Eskolak esperimentatu,
behatu, adierazi eta sortzeko egoerak eskaini behar ditu “altxorren saskia”, manipulatzeko jaki
ezberdinak (arroza, irina, barazkiak, fruituak…), adierazpen plastikorako
materialak (buztinak, testura ezberdinetako pinturak, plastilina…) edota “jolas
heuristikoa” gauzatu ahal izateko egituratu gabeko eguneroko materialak umeen
eskura jarrita.
bideo polit-polita ikusteko, egizue klik
versión en castellano, aquí
